Nus essan omadus fitg gugent en la natira. L'enviern giain nus cun skis e cun gianellas. A partir da la primavaira fin l'atun faschain nus cun grond plaschair excursiuns en las muntognas e giain a viandar. Mintgatant gughegiainsa perfin dad ir sin sendas da raiver. Ultra dal proviant, il cuntè da raiver, plasters per scuflas, crema da sulegl, la chapellina, la tschint da raiver, carabinas e chaussas sumegliantas, na dastga era la camera da fotografer mai mancar en il satgaos, sch nus giain a far excursiuns. 

En il decurs dal temp avain nus uschia fatg numerusas fotografias. E nus essan adina puspè a la tschertga da novs motivs da foto cun expressiuns positivas. Ina part da quels utilisain nus mintgamai per nossa pagina d'internet fraviundfravi e per decorar noss prospects e nossas cartas da novitads.